Gian Lee’s PoV
“Grabe gumawa no’n.”
“Walang konsensya ang gagawa ng gano’n.”
Tahimik na nakikinig lang ako sa mga ugok, kanina pa sila nagsasalita habang walang tigil ang pag-iling. Dumating ang mga pulis kanina rito, at nagtanong kami kung ano na ang nangyari sa katawan ni Dina.
Mabuti nga ay sinabi nila.
May bakas daw ng pagkakasakal sa leeg si Dina, may ilang pasa rin sa katawan na katunayan na nanlaban siya. May sugat rin siya sa ulo na pinaghihinalaang pinukpok ng kung ano. Nalaman din na g¡nahasa siya.
Limang araw na siyang patay no’ng natagpuan namin at talaga namang nabulok na ‘yung katawan niya. Bukod doon, binuhusan ang katawan niya ng ink ng printer. Mukhang ginawan ng paraan ng killer na wag kumalat ang amoy ng katawan kaya’t naisip buhusan.
Nagtagumpay naman siya dahil
