Katulad ng inaasahan ay agad na kumalat ang larawan ni Erica na kuha sa mall kung saan kasama niya si Alyssa. Agad na tinawagan siya ng kapatid nang malaman ang tungkol sa larawan at nagpadala ng mga bodyguards, inutusan din siya nitong umuwi sa bahay ng mga magulang dahil hindi siya safe kung sa condo siya didiretso. Walang nagawa si Erica kung hindi ang sumunod at putulin ang sanang bonding time nila ni Alyssa. Nakasimangot na hinatid niya ito sa bahay nila ni Zayn habang tumatawa naman ang kaibigan.
Kasalukuyan silang nasa loob ng van, hawak-hawak niya ang kamay ng kaibigan at tila ayaw iyon bitiwan. Gustong-gusto niya talaga bumawi sa kaibigan kaso mukhang hindi aligned ang universe sa mga kagustuhan niya.
"Pupuntahan naman kita doon sa bahay niyo at isasama ko ang mga inaanak mo par
