"Walang galang na po pero anong ibig niyo pong sabihin Ginang Vernaya?!" pag-uulit ng binatang si Van Grego. Tila naguguluhan siya sa mga sinasabi nito idagdag pang parang may pinag-uusapan pa ang mag-asawang One-Horned White Tiger Python na sila lanang ang nakakaalam. Nagkaroon ng kuryusidad ang binatang si Van Grego patungkol sa mga ito. Tila ba hindi siya makapaniwalang mayroong nagaganap na kung ano kanina na hindi niya man lang nalalaman. Sino ba naman kasi ang hindi mawawalan ng malay sa tindi ng hagupit ng kaniyang nakalaban na si Ginoong Triper na nasa Human Form nito. Kahit na kasing lebel lamang ang Cultivation Level nila ay hindi maitatangging isa pa ring Blood Awakening Realm ito. Masuwerte pa rin siya kung tutuusin dahil nagawa niyang makaligtas sa kapahamakan o kamatayan mata
