Sumunod si Amber kina Hunter at Felix sa pinakadulong silid. Isa 'yong library at opisina na rin ni Hunter. Enclosed at gawa sa salaming dingding na natatakpan ng block-out curtains na kapag hinahawi ay makikita mula roon ang harden na nasa pinakalikod ng mansion. At kitang-kita rin doon ang kalangitang nagiging kulay kahil sa tuwing lumulubog ang araw.
Nakaupo na sa mahabang sofa si Hunter, pagod na nakasandal sa backrest samantalang nakaupo naman sa corner ng mahabang mesa si Felix at nilalapatan ng icebag ang sariling mukha.
Ngumisi agad si Felix nang makita siya. "Sabi ko na nga ba di mo 'ko matitiis, darling!"
Akma itong tatayo pero mabilis itong nahila ni Hunter kaya napaupo itong muli sa mesa. Tumayo si Hunter at kinuha ang betadine. Kumuha rin ito sa first aid kit ng bulak at a
