-----
***Azalea's POV***
-
Nakahiga ako sa kama, bahagyang nakatagilid, habang si Donya Saskia ay nakaupo sa upuang nasa ng kama ko. Si Yashir naman ay tahimik lang, nakaupo sa kanyang wheelchair sa gilid. Ramdam ko pa rin ang bigat sa puson—hindi na kasing sakit ng kanina, pero nananatiling mabigat, parang paalala ng kung anong muntik nang mawala. Kanina... akala ko mawawala na siya. Hindi madali ang pinagdaanan ko kanina. Napakasakit na parang manganganak na ako.
Ngayon, kaharap namin si Dr. Claudia. Kalmado ang kanyang tinig habang maingat niyang ipinapaliwanag ang mga nangyari.
“Ang tawag sa nangyari kanina kay Azalea ay threatened miscarriage,” panimula ni Dr. Claudia, banayad ang tono. “Bagama’t hindi ito nangangahulugang tuluyan nang mawawala ang bata, nangangahulugan itong ma
