----
***Azalea's POV***
-
Nakaupo ako sa sofa, pilit pinapakalma ang sarili habang si Yashir ay nakaupo sa kanyang wheelchair sa gilid ko. Kaharap namin si Donya Saskia na palakad-lakad sa harapan naming dalawa, tila ba may malalim na iniisip—o marahil ay pinipigilan lamang ang tinitimping galit.
“Mom, you don’t have to do that to Katrina,” mahina ngunit mariing sambit ni Yashir.
Nakaalis na si Katrina, ngunit hanggang ngayon, bukambibig pa rin ni Yashir ang pagtatanggol dito. Basang-basa ito kanina, matapos mahulog sa pool. Kaya’t binigyan ito ni Aling Nora ng lumang duster para may maisuot ito.
Gusto ko sanang ialok ang isa sa mga damit ko… kaso, wala naman akong maipagmamalaking branded. Halos lahat ay galing lang sa ukay-ukay. Nakakahiya. Baka sa halip na magpasalamat ay baka in
