"OH, HI DEAR... pasok, pasok!"
Malakas na salubong sa amin ng baklang couturier, at may-ari ng dress shop, pagpasok pa lamang namin. Nangingislap ang mga mata nitong nakatingin kay Aki, na nasa likod ko at nakaalalay sa akin.
At parang nahuhulaan ko na kung bakit.
Alam nito na malaking pera ang ipapasok sa shop nito ng pagdating ni Aki.
Gayon pa man, ay nauna itong lumapit sa akin at bumeso sa magkabila kong pisngi, habang hawak ako sa magkabilang balikat.
"How are you, Babygirl?" Sa laki nitong bakla, ay halos nakatingala ako nang tanggapin ko ang pagbeso nito. "Who would have thought, ha? Na iyong bagets na sinukatan ko noon, para gawan ng gown na pang-debut, ang siya palang makakasilo sa mailap na binata ni Doña Victoria." Nasa kislap ng mga mata, at himig nito ang panunukso, at hi
