Nasa library siya ng araw na ‘to para maghanap ng babasahin niya dahil natapos niyang basahin ang ‘The Adventurer’ at wala pa siyang nabibiling bago. Balak sana niyang pumunta sa bookstore sa Saturday para maghanap ng libro. Nang mahagip ng mata niya ang isang lumang libro ay kumilos siya at hinugot iyon. Binasa niya ang title at nakuha no’n ang interest niya. Aktong maglalakad na siya papunta sa mesa ng librarian para pumirma na hihiramin niya iyon ay may biglang yumakap sa may likuran niya at ipatong pa ang noo sa balikat niya. Tumusok pa sa may pisngi niya ang buhok nito kaya nakiliti siya.
Nalukot agad ang mukha niya nang masamyo ang pamilyar na pabango ng taong nasa kanyang likuran. Kahit hindi na niya ito harapin o lingunin ay nakilala na niya siya. Kabisado na n’ya ang pabangong ga
