"Ano bang oras nagsasara ang Cora's Eatery?" tanong ni Cyril habang tinatali ang sintas ng sapatos niya. Casual clothes lang ang suot nilang dalawa ni Adam. Blue sa kanya at red naman kay Adam, rubber shoes na white at pareho ang brand ang sapin nila sa paa. Hiniling kasi niya na simple lang ang date nila at ayaw niya ng masyadong magarbo. Hindi siya mag-e-enjoy kung sa mga mamahaling kainan sila pupunta.
Magpapa-reserve sana ito kanina pero agad niya siyang pinigilan. Malugod naman itong pumayag sa gusto niya.
Pagkatapos nilang kumain ay manonood sila ng sine. May naisip na siyang movie na gusto niyang panoorin. Nakita niya minsan ang trailer no'n sa TV noong nanonood ito. Hindi siya mahilig manood ng mga movies pero kapag nakuha no'n ang interest niya ay sinusubukan niya iyon panoorin
