TAMIE
Nakapaskil ang ngiti sa labi ko habang nakatingin sa notes na hawak ko. Hindi ko na mabilang kung ilan na itong nakikita ko sa bag ko. Hindi lang iyon, may chocolates pa o kaya cupcakes na kahit alam kong si manang ang gumawa ay siya naman ang naglagay sa bag ko.
“Eat this chocolate, bebeğim. And I'm sorry.” Ito ang nakasulat sa sticky note. Pero ang madalas talagang nababasa kong nakasulat sa sticky note ay, ‘I'm sorry’. Pero dahil masama pa ang loob ko sa kanya ay hindi ko pa rin talaga siya pinapansin.
Ilang araw na rin na para kaming estranghero sa isa’t isa sa loob ng bahay. Kahit magkasabay kumain ay walang kibuan. Nakakamiss din pero gusto ko ipa-realize sa kanya na mali siya.
“Girl, wala pa ba si Keffie? Ngayon lang nahuli ang babaeng iyon, ah,” agaw ni Vergie sa atens
