TAMIE
Pagkatapos ng pag-uusap namin ni Rhann, kahit nakangiti siya sa harap ko ay hindi ko pa rin maiwasan mag-isip kung bakit sinabi niya ang mga bagay na iyon. Ang sabi niya ay naghahanap lang ng magandang tiyempo para sabihin sa akin ang lahat. Sa ngayon ay gusto raw muna niya akong mapasaya.
“May sinabi nga pala si Ate Tanie bago ako umalis sa bahay.” Hindi ko alam kung tama ba na ako ang unang magbukas ng paksa pero kailangan din siguro niya malaman.
Kasalukuyan na kaming nasa isang restaurant at kumakain ng tanghalian. Napansin ko nga na parang bawat matapunan ko ng tingin ay sa pwesto namin nakatuon ang atensyon. At kapag nakita ko sila ay kaagad na umiiwas ng tingin pero nagbubulungan naman. Hindi ko na lang pinagtuunan ng pansin dahil wala naman silang ambag sa buhay namin ni
