TAMIE
Sinubukan ko magpumiglas sa dalawang babae na nakahawak sa braso ko pero mahigpit ang pagkakahawak nila sa akin. Siniguro nilang hindi ako makakawala. Nakita kong lumabas ng banyo ang isang kasama nila, mukhang magiging look-out ito para walang istorbo sa gagawin sa akin ng babae na nasa harap ko sa mga oras na ito.
Nanggigigil na hinawakan niya ang buhok ko at pwersahang hinila kaya napatingala ako. “Kilala mo ba kung sino ang nasa harap mo, ha? Kung hindi pa ay magpapakilala ako sa ‘yo!” Hinigpitan pa nito ang paghawak sa buhok ko kaya ramdam ko ang kirot sa anit ko. “Ako si Tiffany Milvar, ako lang naman ang girlfriend ng nilalandi mo!”
Pagak akong tumawa dahilan para mas lalong rumihistro ang gigil sa mukha nito. “Sa pagkakaalam ko ay walang girlfriend si Prince at mayroong
