TAMIE
Inubos namin ang maghapon sa falls. Dito na rin kami kumain ng tanghalian. Medyo napansin ko na limited na ako magsalita. May pakiramdam ako na pagkatapos ng nangyari sa pagitan naming dalawa kanina sa tubig ay parang naging awkward ang sitwasyon. Ewan ko pero parang naramdaman din niya iyon.
Pagsapit ng ala singko ay pinasya na niyang bumalik na kami sa resthouse. Pagdating ay pinauna na rin niya akong maligo. Kaagad ako naghanap ng masusuot sa cabinet. Wala akong ibang nakitang damit na magiging komportable ako kundi ang malaking t-shirt na isang dangkal yata mula sa tuhod ko ang haba kaya umabot ito sa gitna ng hita ko.
Binalot ko ng tuwalya ang basang buhok ko. Dinampot ko ang phone ko at bumaba. Wala si Kuya Rhann sa sala kaya pinuntahan ko siya sa kusina.
“Ikaw na, Kuya
