MITCHELL MONDRAGON
"WHERE'S Alexis?" tanong sa akin ni Jax.
"In her room. Nagalit at hindi ko alam ang dahilan."
Nakatambay kami rito sa labas at parehong nagsusunog ng baga. Wala ang mag-asawang Zodiac dahil may inasikasong importanteng bagay.
"Baka ginalit mo? Kilala kita, brod. Numero uno kang alaskador sa ating magkakaibigan."
"Wow! Ako pa talaga?" Natawa kaming pareho matapos ay sumeryoso. "Sa tingin mo ba ay may kinalaman kay Alexis kung bakit pinagtangkaan ang buhay ni Jade?" Gusto kong malaman kung ano ang plano ni Jax lalo pa at hindi pa maayos ang lagay niya. Nuknukan pa naman sa tigas ng ulo ang isang 'to.
May inilabas siyang cellphone at ibinigay iyon sa akin. A basic keypad phone. Lumang modelo ng Nokia. Crack ang casing pero sa tingin ko ay gagana pa naman. "Ibiniga
