Zenon
NAGPAKALASING ako at nagpasundo kay Kuya Rocket sa isang bar na malapit lang sa tinitirhan namin. Sinamahan niya ako dahil alam niyang masyadong mabigat ang mga dinadala ko sa kasalukuyan.
Hindi ako nagsasalita at hinayaan ko lang ang sarili ko na malunod sa alak. Ang nais ko sa oras na iyon ay katahimikan.
Hindi sinasagot ni Leydell ang tawag ko matapos ang insidente doon sa resort. Hindi niya ba alam na nag-aalala ako? Talagang may plano siyang iwasan at kalimutan na ako. Hindi ko pa naman alam ang gagawin ko para makita siya ulit dahil hindi pwedeng mag-operate ang resort sa loob ng dalawang buwan. Sinubukan ko na ring pumunta sa building kung saan siya nakatira ngunit walang pag-asa.
Seryosong umiinom ng alak si Kuya Rocket. Tulad ko ay marami rin siyang problemang d
