Kasabay nang pagbaril ko sa CCTV camera ng elevator ay umalingawngaw naman ang malakas na pagtunog ng building alarm. Dumako naman ako ng tingin sa mga floor button at nakitang ilang floor na lang ay makakarating na ako sa tuktok ng G-clef, ngunit ang ngiting unti-unting namumutawi sa aking labi ay agad na naglaho. Marahas na tumigil sa pag-angat ang elevator at ilang segundo lang ay bubukas na ang pinto nito.
"Mukhang marami pa akong pagdadaanan." Iling ko bago barilin ang ilaw sa loob.
Maya-maya lang din ay nagsipasukan ang tatlong armadong lalaki para mapagtantong walang tao sa loob ng elevator. Lahat sila ay takang nagbaba ng mga hawak na baril kaya kinuha ko iyong pagkakataon para bumaba mula sa bubungan ng elevator.
Bang! Alingawngaw ng putok ng baril sa ulo ng isa. Mabilis nama
