Pero pagtalikod nito ay mabilis niyang iniluwa ang mga gamot at mabilis na ibinulsa, ilang araw na rin niya itong ginagawa at napapansin niyang hindi na umiinit ang ulo niya. Ayaw niyang pagduhanan si James pero bakit tila may pumipigil sa kan'ya na pagkatiwalaan ng buong-buo ang lalaki.
Gaya ng araw-araw na ginagawa ay nagsend siya ng email sa mga magulang niya pero araw-araw din siyang bigo. Ano ba ang nangyayari sa mga magulang niya at hindi na siya ng mga ito tinawagan ni minsan?
"Princess, aalis muna ako may mahalaga lang akong dapat asikasuhin" Ngiti nito sa kan'ya pagkatapos ay hinalikan na siya sa may pisngi.
Tumango lamang siya at umalis na rin ito.
Agad siyang nagpadala sa kwarto niya para maligo. May nakahanda na doong upuan para sa kan'ya. Nahubad na niya ang damit niya na
