Bitbit ang paper bag na naglalaman ng suit, hinanap agad ng mga mata ni Samaria ang lalaking nagpahiram sa kanya nito pagkaapak ng kanyang mga paa sa Fordswan University. Panay ang palinga-linga niya sa paligid at nagbabakasakali na sa daan, makasalubong niya ito. Pero, iyon nga lang, may klase pa siya kaya wala siyang oras na hanapin ito sa ngayon.
"Mamaya na nga lang siguro kapag may vacant time."
Napatingin siya sa relo niya at kinabahan nang makita kung anong oras na. Mag-a-alas nuwebe na pala. Nagmamadali siyang pumunta sa room kung saan ang unang klase nila. Humahangos pa siya mula sa pagtakbo pagkarating do'n. Good thing, hindi pa siya late. Dire-diretso siyang pumasok nang biglang masubsob siya sa dibdib ng isang pamilyar na bulto ng katawan.
Napalunok agad siya ng laway ng ma-
