“F-Father?” nagtataka na tanong ko sa kaniya. ‘Di ako makapaniwala na makikita ko siya ngayon dito sa personal. Isang beses lang siya nabanggit sa akin noon ni Enrique. Ang alam ko ay nangbabae raw ang kaniyang ama at tinangay ng naging babae niya ang lahat ng yaman nila. Kaya naghirap si Enrique at ang kaniyang ina. Simula noon ay wala na siyang nabanggit sa akin na tungkol sa ama niya. Sa tingin ko rin naman ay wala siyang pakialam na sa kung nasaan man ang ama niya. Miski itsura ng kaniyang ama ay ‘di ko alam.
Kaya laking pagtataka ko ngayon nang magpakilala sa akin ang may katandaan na lalaki na ‘to. Ang pinakanakakapagtaka ay kung bakit magkasama sila ngayon ni Lance sa lugar na ‘to? Sa tingin ko ay si Lance nga talaga ang unknown number na nag-text kay Enrique kagabi na pumunta sa
