Nakabalik na kami ngayon ni Rico sa mansyon nina Mom. Dito na muna kami dumeretso at hindi sa sarili bahay ko. Na-miss din daw agad nina Mom at Dad si Rico, tapos may pag-uusapan din kami ng mga magulang ko na tungkol sa nangyaring issue sa amin ni Enrique.
Masaya naman na sinalubong ng aking mga magulang ang kanilang apo. Hindi naman na nagtatrabaho ngayon sina Mom at Dad. May katandaan na rin kasi sila. Bumibisita na lang sila sa mga kumpaniya minsan kapag kailangan nila. Tsaka wala na rin naman silang kailangan pa na gawin. Ipinagkatiwala na nila ang kanilang mga negosyo sa mga matagal nang nagtatrabaho sa kanila. Kaya ngayon ay nasa mansyon lang sila. Wala na silang ibang libangan ngayon kundi ang maglambingan, manood sa TV, at iba pa na gawaing bahay. Kaya noong inamin ko na sa kani
