KABANATA 69
KABANATA 69 TINA “Saan ka pala natulog? Bakit ngayon ka lang umuwi? Tinawagan ko sina Justin pero hindi mo naman daw sila kasama. Saan ka ba nagpunta? Ano’ng ginawa mo?" tanong ko sa kanya habang magkayakap kami sa ibabaw ng kama. "Uhm… Niyaya ko silang lumabas pero busy silang lahat, kaya sumama na lang ako kina Mike. Tanda mo pa siya ‘di ba?" Inisip ko pa kung sino ‘yung Mike at naalala ko na empleyado nga pala sa company nila. ‘Yung isa sa mga nag-videoke sa resort. "Oo, naalala ko na. Saan kayo nagpunta? Ano’ng ginawa n’yo?" Humiwalay na ‘ko sa pagkakayakap ko sa kanya, para magkaharap na kami. "Uminom lang sa isang bar malapit sa office. Friday kasi at nagkataon pang birthday ng isa sa kanila. Niyaya nila ‘ko noong nasa office pa ‘ko. Sabi ko may lakad ako kaya hindi ako sumama,
- Writer
