Naaiinis na muling sinipat ni Rita ang suot na relo, alas kwatro- imedya na ay wala pa rin roon si Arman upang sunduin siya ng lalaki. Ang sabi kasi nito ay susunduin siya nito ng alas kwatra impunto kaya naman hinihintay niya ito. Five minutes pa, at kung wala pa rin ito ay magku-commute na lang siya. Ang nakakapang-asar naman kasi e, kung kailan wala siyang dalang payong saka naman na timing na masama ang panahon, kanina naman umaga ay maganda ang klima ng panahon, bakit kung kailan hapon ay saka biglang nagdahilan ang langit at tila gustong maglabas ng sama ng loob! Well, hindi sila nagkakalayo ng langit ng mga oras na iyon, dahil gusto rin niya na maglabas ng sama ng loob sa binata. Sa pangalawang pagkakataon ay pinaghintay na naman siya ng magaling na lalaki na iyon! Sana hindi na lan
