Arman
Buong pagmamahal na nakatitig ako sa kaisa-isang babae na bumihag sa mapaglaro kong puso. Ang ganda talaga ng asawa ko, iyan ang gusto kong isigaw sa buong mundo. Bagay na bagay sa kanya ang suot na Traje De Boda habang nakangiti na lumalalad sa aisle papunta sa akin. Pilit man kaming paghiwalayin ng tadhana noon ay hindi ako pumayag na mangyari ang bagay na iyon. Simula ng unang beses na sumayad ang paningin ko sa kanya ng araw na makita ko siya sa bahay ng kaibigan ko ay sinabi ko na sa sarili ko na she was the one I would marry soon—sa tamang panahon.
"Boss! Umiiyak po si Miss Rita!" Halos paliparin ko na ang sasakyan ko makarating lang ako sa tabi niya, alam ko na kailangan niya ako sa oras na iyon. Hindi ko man maipagtapat ang totoog pagmamahal ko sa kanya ang mahalaga nasa
