“PUWEDE AKONG matulog dito,” sabi ni Kaye kay Eric. Nasa banyo siya, nakaupo sa walang tubig na bathtub. Napagpasyahan niyang doon muna siya at namnamin ang kanyang pag-iisa. Ngayon lang siya nilubayan ng mga nurse at doktor na nakatalaga sa kanyang pre-op procedures. Na-overload na yata ang isipan niya sa mga sinasabi ng lahat tungkol sa magiging operasyon niya. Nang maramdaman niyang bahagyang sumakit ang kanyang ulo ay sinabi niyang kay Andre na sabihin ang mga dapat niyang malaman. Inutusan niyang lumabas muna ang mga kapatid niya kasama si Andre. Kunwari ay may gusto siyang pagkain at pinabili niya iyon sa mall. Hindi siya maaaring kumain bago ang operasyon at alam ng mga ito iyon, ngunit sumunod pa rin ang mga kapatid niya. Nais ni Andre na magpaiwan ngunit sinabi niyang kailangan it
