MANGHANG-MANGHA si Andre sa kanyang mga nababasa. Nanlalaki ang kanyang mga mata at mabilis ang t***k ng kanyang puso dahil sa pananabik. Ramdam na ramdam niya ang pagyabong ng pag-asa sa kanyang kaibuturan habang mas marami siyang nalalaman tungkol sa itinuturing na “Miracle Man” sa mundo ng medisina. He was impressed—so very much. Alam niya na bibihira lamang mga doktor ang nabibiyayaan ng ganoong talento at nais niyang papurihan ang “Miracle Man” sa lahat ng nagawa nito.
May mga magsasabi na parang “calling” din ang pagdodoktor. Minsan ay alam mo lang ng isang tao sa sarili nito na kailangan nitong maging doktor. Minsan ay dahil iyon sa masidhing pagpupunyagi at kagustuhang makatulong sa iba. Ngunit mayroon din namang mga taong natural, mga taong sadyang ipinanganak upang maging mangga
