Matagal ko siyang pinakatitigan habang masarap ang tulog niya. At mukha talagang napagod sa mga nangyari kanina. Hindi ko naman alam na ganun siya kabilis matuto sa mga itinuro ko. Lahat ay nagawa niya ng tama at labis pa. Kaya naman halos magwala ang kaibigan ko sa ibaba ng subukan niyang gawin sa akin lahat ng itinuro ko. At sa kasamaang palad, ako ang naakit! Kaya naman muntik nang madurog ang hawak kong baso kanina habang pinapanood ko siya kung paano niya gawin sa iba ang itinuro ko. Ilang malutong na mura ang pinakawalan ko habang nakikipag-usap siya sa lalaki. Sa ganda at sa ayos niya ngayon, hindi malabong makuha niya ang number nito kagaya ng usapan namin. At kung pwede lang ay hilahin ko na palabas ng bar ang lalaki na iyon, ginawa ko na. At hindi ko maintindihan ang nararamdaman
