Pagkatapos kumain ay nagyaya pa si Marcus na maglibot sandali sa mall para bilhan si Athena ng laruan. Masaya si Stacey na hindi nila kasama si Caroline dahil solo niya ang mag-ama niya. Pero nang makabalik sila sa opisina ni Marcus ay nawala ang saya n'ya nang malaman sa tauhan na umuwi si Caroline dahil nagka-spotting ito. Nakita n'ya kung paano nag-alala si Marcus na hindi mapakali sa silid hangga't hindi nakakausap si Caroline.
"Bakit ka pa kasi nakibuhat napakarami namang tauhan dito?" pagalit pa niyang wika sa telepono. "Kumusta ang pakiramdam mo ngayon?"
Lumapit si Stacey sa bintana ng opisina ni Marcus saka tinanaw ang labas kung saan abala pa rin ang trabahador sa pagkakarga ng sako-sakong feeds. Nasasaktan siya sa ipinapakitang concern ni Marcus kay Caroline pero hindi n'
