Dalawang linggo ang nakalipas ay lumuwas naman si Joey at Caroline para dalawin sila. Ipinakilala na ni Marcus si Joey na siyang totoong mapapangasawa ng kaibigan ni Marcus at siyang ama ng magiging anak nito. Nag-offer si Stacey na sa Albano Hotel sila patuluyin para maging komportable si Caroline. Ipinasundo na lang nila sa driver para makarating ang mga ito sa mansyon ng mga magulang ni Stacey para makita na rin pati si Athena. Tuwang-tuwa naman ang bata na makita ang Mama Caroline niya.
"Pasensya ka na, Stacey, kailangan ko lang pagbigyan yang kaibigan ko na pagselosin ka. Parang kinikiliti ang p'wet sa kilig eh!"
"At dahil d'yan, nabawasan tuloy s'ya ng kidney," natatawang wika naman ni Stacey.
"Napakayaman n'yo palang talaga," puri naman ni Joey. "Bilib ako sa tapang ni Marc
