Bumaba siya para hanapin ang anak at naabutan itong naglalaro kasama si Nana Rosa sa silid nito na nakabukas na. Napakunot ang noo niya nang makitang bago ang double deck doon at may bagong ceiling fan na nakakabit. Si Stacey ay naglalagay ng bagong kubre-kama sa bagong biling higaan.
"Bakit pinalitan niyo ang higaan diyan?" seryoso niyang tanong kay Nana Rosa. Si Stacey ay bahagya lang tumingin sa kanya saka itinuloy ang ginagawa. May bago ring durabox na lagayan ng damit at doon niya napagtanto kung bakit tila lumuwag ang kwarto nila ng anak kanina.
Kung ang paglipat pa lang ni Stacey ng silid ay ikinasisikip na ng dibdib niya, paano pa kung umalis na itong muli at iwan sila?
"Pinabili kanina ni Stacey si Mang Gary para mapalitan ang kama. Naaawa sa 'yo dahil halos hindi ka raw magkas
