Dahil napagod sa maghapon si Amara, at mag aalas nueve na siyang umalis sa restaurant, napagpasyahan niyang magtungo sa paboritong Bar na pinupuntahan nila nina Kyla at ng kuya niya.
Gusto niyang i-treat ang sarili niya mula sa mga stress na naranasan niya nitong mga nakaraang araw. Umuwi muna siya saglit sa kanilang mansion upang makapagpalit ng damit.
"Aalis ka ulit?" Usisa ng kanyang Ina nang puntahan niya ito sa kwarto nito upang magpaalam.
"Yeah. Unwind lang ng konti."
"Huwag kang magpapakalasing, Hija. Umuwi ka rin agad."
"Yes Mommy." Hinalikan niya sa pisngi ang Ina at inayos ang kumot nito. Tsaka na siya lumabas mula sa kwarto nito.
Dinala niya ang sariling kotse at binagtas na ang daan patungo sa kanyang destinasyon. Nang makarating doon, medyo marami rami na ang mga tao. S
