SAMAR’S POV
Lumipas ang ilang araw matapos ang exam, everything went well. Naging maayos din ang relasyon namin ni Eliazar, nandiyan siya para sa akin pero hindi na niya binuksan pa ang tungkol sa pagpapatwad ko sa kanya. Natutunaw ang puso ko dahil pursigido siya na maghintay ng hindi ako binibigyan ng pressure.
“Congratulations Samar!” Masayang bati ni Devina sa akin at niyakap ako. Hindi mawala ang ngisi sa aking labi matapos kong makapasa sa exam. Sinabi din sa akin ni Frank na papalitan na niya ang posisyon ko sa pagiging assistant niya.
“Sabi ko na at makakapasa ka.” Si Trice na nakaupo pero may ngiti sa labi.
Kahit maingay at napakaraming tao ay hindi ko maiwasan na igala ang tingin para hanapin si Eliaz, siya na lang ang wala ngayon. Kanina pa nandito si Tyron at patapos na
