Nag-aalala ako kay Ziya higit sa sarili ko kahit pa napahiya ako sa lahat kanina nang hilingin ni Mrs. Danica Albano na lisanin ko na lang ang hotel. I saw how Ziya wanted to stop me from leaving. And it breaks my heart to leave her alone and explain everything about us on her own.
Kung pwede lang sanang sagutin kanina ang ina nito. Pero maiipit lang lalo si Ziya na hindi makakatulong sa sitwasyon namin. Matapos ma-i-park ang kotse sa garahe ay patamad akong bumaba sa sasakyan. Mamaya ko na tatawagan si Ziya dahil baka binatantayan pa ito ng buong angkan ng kasintahan.
Tumunog naman ang telepono ko bago pa ako makapasok sa kabahayan. Nagulat ako nang mabasa sa screen kung sino ang tumatawag. Humugot ako nang malalim na hininga habang kumukuha ng lakas ng loob kung paano ito kakausapin.
