"I WILL not accept the movie offer and I will not renew my contract with you," deklara ni Berrie kay Miss Ariella na kaharap niya sa mesa. Pinuntahan niya ito sa opisina para ibigay ang desisyon niya. "Wala na 'kong pakialam kung ilabas mo man ang videos at pictures namin ni Nathan."
"It's your call," malamig na sagot naman ng babae. "Good luck na lang sa 'yo, Berrie." Natigilan ito, saka sumimangot. "Isa pa, naunahan ka na ng boyfriend mo. Kahapon pa siya nagpunta rito at binili niya ang kontrata mo mula sa 'kin. Dahil wala naman na 'kong pakinabang sa 'yo, pinakawalan na kita."
Napangiti si Berrie. "That's nice."
Umirap si Miss Ariella. "Hintayin mo na lang ang paglabas ng scandal mo." Kinuha nito ang phone at may kung sinong tinawagan. "Alexis, it's time."
Tumayo na siya at lumabas
