GUSTONG sampalin ni Berrie ang sarili dahil sa pagsara niya ng pinto kay Nathan kanina. Ayaw niya itong itaboy pero kailangan niya iyong gawin para protektahan ang lalaki.
"Bakit hindi mo na lang sinabi kay Nathan ang totoo?" tanong ni Boo. Nasa passenger seat ito at nahimasmasan na.
Deretso lang ang tingin ni Berrie sa daan dahil siya ang nagmamaneho. Nawala na rin ang kalasingan niya kanina dahil sa komprontasyon nila ni Nathan kaya nagawa na niyang mag-drive. "Ayokong madamay si Nathan sa problema ko, Boo. Saka wala rin naman siyang magagawa. Hawak ni Miss Ariella ang scandal na sisira sa 'ming pareho. Hanggang beast mode pa sa 'kin ang bruha kong manager, magpapakabait muna ako sa kanya."
Iiling-iling na pumalatak ang PA. "'Buti na lang, hindi ako nag-artista."
"Hindi ka rin naman
