MATAGUMPAY naman na naipagpaalam ni Rafael si Ysabel sa nanay nito. Sa katunayan nga, nasa Manila na sila ngayon at pansamantala munang dumiretso sa mansiyon ng mga Mortelli. Napangiti si Ysabel nang maalala niyang magkikita ulit sila ni Randolf. Matapos kasi ng kaarawan niya ay bumalik na agad ng Manila ang binata.
"Rafa, si Randolf ba nandito?" tanong ng dalaga.
Agad na nagbago ang mood ni Rafael. Nagsalubong ang kanyang mga kilay. Sa dami ba naman ng kailangang hanapin, bakit si Randolf pa.
"Bakit siya ang hinahanap mo? Ako ang nandito. H'wag ka nang hanap nang hanap ng iba."
Napabusangot si Ysabel. "Ito naman! Parang nagtatanong lang, e. Saka bakit ba? Mali na bang hanapin ang kaibigan ko? Ha?" Pagdidiin pa ni Ysabel, Binigyan diin niya talaga ang salitang 'kaibigan' dito nang mai
