Nakilala kaya niya ako? O kahit namukhaan man lang? Wala naman akong masyadong pinagbago sa physical kong anyo bukod sa pinaikli kong buhok.
At kung tutuusin, sa ganitong klase ng buhok kong kulot, Vanessa kaagad ang papasok sa utak ng mga nakakakilala sa akin. Unless, hindi si Paul Shin iyong nakita ko kanina.
Isang beses ko ulit nilingon ang lalaking dumaan sa gilid ko. Pawala na ito sa paningin ko dahil nakalayo na siya ngunit kahit na nakatalikod ito ay alam kong siya nga iyon, pero imposible talaga na hindi niya ako napansin o nakilala man lang.
Knowing Paul Shin, tatakbo iyon palapit sa akin upang yakapin ako oras na makita niya ako. But then, kaagad kong naalala na kung gaano kalaki ang ipinagbago niya, ganoon din ang posibleng pagbabago ng nararamdaman niya para sa akin.
Noong
