"Grandpa..." panimula ko kalaunan nang matapos akong kumain.
"Hmm?" Nasilayan ko ang pag-inom niya ng tubig, maging ang masuyong pagpunas nito sa kaniyang labi gamit ang table napkin.
"How did you manage to get Black Alley? How did it happen?"
Kagabi ko pa ito iniisip at hindi na naman nga ako nakatulog. Sa tuwing ipipikit ko ang mga mata ay mukha ni Paul Shin ang nakikita ko. Iyong sitwasyon niya ang gumugulo sa isipan ko.
Sinubukan ko lang ngayon na magtanong kay Lolo, para kahit papaano ay mabasawan iyong mga katanungan sa utak ko. Dahil alam ko namang kahit anong bato ko ng tanong kay Paul Shin, hindi siya sasagot.
Hindi ko alam ang rason niya kung bakit, pero inisip ko na lang na baka ayaw niyang mas kaawaan ko siya. Ayaw niyang maging dahilan iyon para mapalapit ako sa kaniya. H
