HSBW#44
NANGINGINIG na dinampot ni Aloha ang bato na nakabalot sa papel na ibinato ng kung sino sa may bintana ng bahay nina Meriam.
"Anak, ano iyon?" nagpapanik na tanong ni Tiya Prescilla na nagising din. Si Tiyo Art naman ay agad na kinuha ang bato na hawak niya at kinuha ang papel.
"Mama, Papa, Cassie, ano ang nangyari? Ano iyong narinig ko na nabasag---what the hell!" gimbal na sabi ni Meriam nang mapatingin ito sa nabasag na bintana.
"'Wag kang tumistigo, Sandoval, kung ayaw mong patayin ko lahat ng mga mahal mo sa buhay." Malakas silang napasinghap at napatakip pa siya sa kanyang bibig nang binasa ni Tito Art ang nakasulat sa papel na kasamang ibinato rito sa loob ng kanilang bahay.
"Diyos na mahabagin!" gimbal na sambit ni Tiya Prescilla. Napamura rin si Tiyo Art at akmang lal
