“Nakaalis na ba ang Kuya mo, Nins?”
Sinadya ni Aiah ang maagang gumising ngunit mas maaga pa palang gumising si Jacob at umalis. Kadalasan ay bumabangon siya ng alas sais na ng umaga. Nakapagsaing na si Nina sa mga oras na iyon at ulam na lang ang lulutuin niya. Pagkatapos ay isang oras siyang magbababad sa mga halaman at papanhik. Breakfast naman ni Jacob ang aatupagin niya at sasabayan na rin ito sa hapag.
“Opo, Ate. Mga thirty minutes ago.”
Nanamlay siyang bigla. Naupo sa high chair at nakapangalumbaba sa counter. Alas singko y media pa lang. Ano ba ang nangyayari kay Jacob? Halos hindi na sila nagpapang-abot. Kalimitan, malalim na ng gabi kung umuuwi. Apat na araw nang ganito si Jacob. Binilang niya talaga dahil ang apat na araw na ‘yon ay tila mahabang panahon na ang katumbas.
‘Mi
