Samu’t-saring mga bulaklak ang bumungad kay Aiah sa pagbaba niya ng hagdanan. Parte pa rin ba ng magandang panaginip niya ang nasasaksihang parang hardin ng mga bulaklak?
“Grabe, Ate, nagmumukha tayong flowershop nito,” si Nina na itinaas pa ang Calla na nakapatong sa coffee table.
“Saan galing ang lahat ng mga ito?”
Tumirik ang mga mata ng dalagita. “Alangan namang kay Presidente Duterte, eh, ‘di syempre galing sa mahal mong esposo.
Kinuha nito ang note na nakaipit roon at malakas na binasa. “Sana, napapawi ng mga bulaklak ang pagod mo kagabi.” Naniningkit ang mga mata nitong nakatitig sa kanya. “Bakit, ano bang ginawa ninyo ni Kuya kagabi, Ate?”
Hindi niya malaman kung may laman o talagang inosente lang itong si Nina. Pero loko-loko talaga ito. Akmang kukunin pa nito ang isa pang n
