“SO, ikaw pala ang pumatay kay Maa’am Jackie?” tanong ng katulong ng mga Monteverde habang naglalakad sila papunta sa maliit na silid na nasa tapat ng laundry room. Doon daw siya matutulog at may guwardiya na magbabantay sa kanya 24/7. Ngayon nga ay may isang guard na nakasunod sa kanila.
Hindi niya sinagot ang katulong. Nagulat na lamang siya dahil nang muli itong magsalita, humihikbi na ito.
“Alam mo ba kung gaano kabait si Ma’am Jackie? Kahit katulong lang kami dito sa bahay nila, parang kapamilya na rin ang turing niya sa amin. Sinayang mo ang buhay niya!”
Bumuntong-hininga si Malicia. Inaasahan na niyang mas pagkakaisahan siya ng mga tao dito sa mansion ng mga Monteverde. Tiyak na sisisihin na naman siya ng lahat at pahihirapan.
Lahat ng muwebles dito sa loob ng mansion ay ant
