"Vaughn? Sino ba ang babaeng iyon? Bakit parang girlfriend o asawa mo siya kung magselos?" painosenteng sabi ni Stacey na akala mo walang alam talaga.
Humugot ng malalim na paghinga si Vaughn. "Si Faith. Wala kasi siyang matutuluyan kagaya ng sinabi ko sa iyo. Kaya doon na muna siya sa simbahan tutuloy."
"Ha? Eh baka kung ang gawin sa iyo ng babaeng iyan! Maraming malalanding babae ang umaaligid sa iyo, Vaughn. At isa na siya doon. Paano kung akitin ka niya? Gapangin ka? Magiging makasalanan ka pa sa kaniya kaya dapat lang na paalisin mo na siya sa simbahan!"
Marahang umiling si Vaughn. "Hindi ko magagawa iyon. Hindi naman siya ganoon. Mabait naman siya. Tumutulong din siya sa paglilinis at pag- aasikaso sa simbahang iyon. Kaya hindi ko siya magagawang paalisin lalo pa't wala siyang mat
