"Mommy... daddy..."
Nanlaki ang mga mata ni Faith nang makita niya ang anak niyang si Axel. Nagulat din si Vaughn sa pagsulpot ng kaniyang anak.
"Pasaway ka talagang bata ka! Kahit kailan ka talaga hindi ka na nagbago!" sigaw ni Faith sa kaniyang anak habang pinaghahampas ito.
"Aray ko po, mommy! Nagpasabi naman ako sa kaibigan ko! Aray! Mommy tama na!" wika ni Axel habang sinasangga ang bawat hampas ni Faith.
"Sira ka talaga! Syempre nanay mo ako kaya nag- aalala ako sa iyo ng sobra! Mamamatay ako sa kunsumisyon sa iyo, Axel!" bulyaw ni Faith sabay pingot sa kaniyang anak.
Natatawang niyakap ni Vaughn ang kaniyang asawa. Napatingin siya sa kasamang babae ni Axel. Ngumisi siya bago tumingin sa kaniyang anak.
"At sino naman ang magandang dilag na kasama mo, anak?" nakangising sabi ni
