"Axel... nagugutom ka na ba? Gusto mo bang ipaghanda kita ng makakain mo?" malambing na sabi ni Dianna nang makita niya ang binata.
Nangunot ang mata ni Axel nang makitang tila walang suot na salawal ang dalaga. Mahangin kasi sa labas ng kanilang bahay kung nasaan siya naroon. Nakahiga siya sa munting duyan na nakatali sa malaking sanga ng puno ng mangga. Habang naglalakad si Dianna, humangin kaya umangat ang suot nitong pulang bestida. At hindi kita nakitaan ng suot na short ang dalaga.
"Busog pa ako. Teka nga. Wala ka bang suot na short?" kunot noong tanong niya kay Dianna.
Namilog ang mata nito. "Bakit?"
Marahas na kumamot ng ulo si Axel. "Anong bakit? Nakabestida ka! Dapat may suot kang short sa loob mo dahil lumalabas ka. Paano kung may makakita sa iyong dumadaan dito? Hindi ka ba
