"Faith? Kumusta? Nasaan si Vaughn? Bakit parang hindi mo siya kasama?" nagtatakang tanong ni Rosie nang sipatin niya sa likod ni Faith si Vaughn ngunit wala ito.
"Mamaya na lang po muna tayo mag- usap, mama. Gusto ko po munang magpahinga..." malungkot at nanghihinang sabi ni Faith.
Dumiretso kaagad sa kama at saka nahiga. Pagkahiga niya doon, nangilid kaagad ang luha niya. Naiiyak na kaagad siya dahil hindi niya nagawang ipaalala kay Vaughn ang lahat. Hindi niya ito nagawang isama sa lugar na iyon kung nasaan ang anak nila.
Rumagasa ang masaganang luha sa mga mata ni Faith. Masakit sa kaniya na iwan si Vaughn lalo na't wala itong maalala. Lalo na't pakiramdam niya, kailangan siya ni Vaughn para tuluyan nitong maalala ang lahat. Ngunit hindi na kinakaya ng puso niya ang nakikita niya. At
