---------
***Elara’s POV***
-
Lumipas pa ang ilang buwan. Masaya ako dahil nalampasan ko na ang ilang yugto ng aking pagbubuntis. Ngayon, hindi na ako masyadong nahihirapan—wala na ang madalas na morning sickness at hindi na rin palaging masama ang pakiramdam ko dahil sa paglilihi. Malaki na rin ang tiyan ko; anim na buwan na akong buntis. Iba na naman ang mga nararanasan ko ngayon—madalas akong naiihi kahit saan ako magpunta, sumasakit ang likod ko, at may mga umagang parang nananakit ang puson ko. Madalas din akong makaranas ng constipation.
Sabi ng doktor sa akin, normal lang daw ang mga ito. Ang pananakit daw ng puson ko ay maaaring dahil nalamigan lang ang tiyan ko. Wala naman daw siyang nakitang problema sa mga ipinagbubuntis ko—parehong malusog ang mga ito. Hawak ko nga ngayon a
