CERISE
KASALUKUYANG naglelecture ng bagong paksa ang ang professor namin sa creative writing nang biglang pumasok si Angelo sa silid-aralan. Tulad ng inaasahan ko, tumango lang si Prof. Mesiano bilang pagsagot sa pagbigay galang ni Angelo saka nagpatuloy ng pagsasalita. Napabuntong hininga ako nang tumabi siya sa akin pero hindi niya ako nilingon o binati man lang tulad ng dati.
Tahimik lang akong nakikinig pero ang totoo niyan, walang pumapasok sa utak ko. Ang presensya lang ni Angelo ang tanging naiisip ko ngayon. Gusto ko siyang harapin para kausapin pero wala akong lakas upang sabihin sa kanya ang katotohanan ng pagkatao ko. Hindi pa ako handa sa kung anumang magiging reaksyon niya tungkol dito.
Lumingon ako sa mga upuan nina Aislin, Tamara at Yumi; mula noong naganap na barilan sa
