ANGELO
MABILIS na lumipas ang isang linggong seminar pero hindi pa rin ako nawawalan ng pag-asa na mapapasagot ko si Cerise. May hinahanda akong surpresa sa kanya at ayun kay Marco, ito daw madalas ang epektibong paraan na panliligaw.
"Stop staring at me," bigla niyang puna.
"Ang ganda mo kasi," saad ko.
"Makinig ka sa speaker!" hinawakan niya ang baba ko saka pinalingon ako sa harap.
Sandali akong tumingin sa harap pero hindi ko sinasadyang mapalingon ulit sa kanya.
"Huwag mo nga akong tignan," inirapan niya ako.
"Hindi naman kita tiningnan ah," pang-aasar ko.
"Talaga? Eh bakit ka nakalingon sa gawi ko?" mataray niyang saad.
"Chinecheck ko lang ang future wife ko," ngumiti ako saka tumingin sa harap, "baka kasi mawala lang ng bigla."
"Sige, ituloy mo lang ‘yang pambabanat mo,"
