Mas humigpit ang pagkakahawak ko. Lalo na nang makita kong malapit na kami sa mataas na lupa. Subalit mayroong bumahat sa akin at pagkatapos ay maliksing tumalon para makaalis kami sa aming sinasakyan.
Maliksi kong ipinikit ang aking mga mata. Upang 'di ko makita ang pagbagsak namin ni Leo. Subalit lumipas na ang ilang minuto ay wala akong nadamang sakit ng aking katawan. Kaya naman dahan-dahan kong iminulat ang mga mata ko.
Nakita kong nakatayo si Leo at marahan akong ibinababa sa lupa.
"Lord! Nandito na rin si Lady Boss. Katulad ng nasa plano," saad ng lalaking lumapit sa amin. Nakita kong may inabot na baril ito kay kabute. Maliksi naman itong kinuha ng aking asawang hilaw.
"Dito ka lang sa likod ng puno ng niyog. Huwag kang-aalis dito, sweetie pie," bilin niya sa akin. Isang tango
