"Ayaw mo bang ilaban, hija? Sayang naman," muling sabi ng lalaking nasa harapan ko. Luminok muna ako ng ilang beses bago sagutin ang tanong nito.
"H-Hindi pa siya puwedeng ilaban ngayon. Nag-aaral pa ang mahal kong manok, kung papaano makipaglaban, saka gusto ko handa na siya kapag oras na nang laban niya," alanganing saad ko sa lalaking medyo may edad na. Nakita kong kumunot ang noo nito.
Hanggang sa. . . "Puta-puta-putak!" Peste dahil nagputak-putak na naman ang manok na dala ko. Bigla namang tumingin ang lalaki sa kahong hawak-hawak ko.
"Sa 'yo bang manok ang nag-iingay, hija?" tanong ng lalaking kaharap ko.
"Ah. . . Eh. . . Opo, sa akin," nauutal na sagot ko.
"Bakit ganoon? Nag-iingay siya. Saka bakit nagpuputak-putak?"
"Ay! Iyan nga po ang problema ko sa aking manok, dahil mas
